a sucessful story about buy & hold

a sucessful story about buy & hold, worth to re-consider our investment approach.

《蘋果日報》2008/06/03

股神巴菲特用價值投資法，長揸好股，其實，香港都有好多投資者係佢信徒，仲可以話係青出於藍。好似港商劉元生，手持內房股萬科股票17年，由當初市值約400萬人仔(下同)，暴升到今時今日賬面值約16億，升近400倍，比起巴菲特最掂隻華盛頓郵報，30年都係升得128倍，睇怕今勻股神都要寫個「服」字。

與王石早有淵源王石：唔知你有眼光定我有實力，總之有錢齊齊搵啦﹗講起呢位散戶股神，早響91年萬科A股上市前已經入股萬科，話說王石未創辦萬科之前，同劉元生已經係生意拍檔，88年尾，未上市的萬科為籌集資金，以每股一蚊人仔發行2800萬股，劉元生見銷情唔係咁好，於是幫對方認購360萬股，成本大概400萬銀。萬科91年1月29日深交所上市，當時報14.58人仔，其後劉元生仲有增持萬科，據萬科資料，劉元生持有8253萬股，以噚日萬科收市價計，市值近16億人仔。難怪內地傳媒封佢做「超級散戶」，3月舉行萬科07年報告網上說明會，有萬科小股東要求親眼見一見偶像王石，同股東劉元生。

上市後不斷增持據報道，劉元生家陣係萬科最大個人股東，王石有乜大動作，之前都會主動問佢意見。除同王石熟絡，劉元生同萬科另一董事陳志裕應該都幾熟，因為據《提問萬科》一書介紹，當年王石做錄像機生意時，係由劉元生仁達國際(香港)供應日本貨源，而據公司註冊處資料，呢家公司仲有3位董事，其中一位正係陳志裕。劉元生手持內房股萬科股票17年，由當初市值約400萬人仔，暴升到今時今日賬面值約16億，升近400倍。